Thursday, April 19, 2007
Sumar og sól
Það er sumardagurinn fyrsti í dag og af því tilefni hefur sólin skinið á okkur íbúa höfuðborgarinnar. Það væri nú samt synd að segja að það væri hlýtt. Það fannst mér a.m.k. ekki þegar ég fór út áðan að kaupa í matinn og skoða rústirnar af brunanum í miðbænum í gær. Þegar ég var búinn að glápa nægju mína á skemmtistaðinn Pravda vippaði ég mér inn í 10/11 í Austurstræti. Ég stoppaði ekki lengi við enda er ég ekki haldinn neinum valkvíða þegar kemur að mat. Ég gríp bara það sem matgræðgin segir mér að kaupa í hvert sinn. Þegar ég kom að kassanum sá ég forsíðuna á DV. Þar er vitnað í Steinunni í Nylon sem segir að Nylon-stelpurnar séu ekki heimskar. Það er gott að vita það en sagði ekki Nixon á sínum tíma að hann væri nú enginn skúrkur??
Subscribe to:
Post Comments (Atom)
13 comments:
Það mætti halda að þetta með valkvíðann væri skot á mig...
Þeir sem eru í hrútsmerkinu eru yfirleitt mjög fljótir að ákveða sig í öllum málum.
Vatnsberar eru hinsvegar frjálslynd fiðrildi og eiga oft erfitt með að taka ákvörðun.
Alveg rétt hjá þér, herra nafnlaus, og velkominn heim frá Þrymsey!
Herra nafnlaus er frú nafnlaus
dularfullt...
Hefur frúin kannski sýnt mér plástur sem hún var með á puttanum?
Þar sem það eru a.m.k. helmingslíkur á því að þú hafir átt við mig segi ég takk fyrir það. En ég er hvorki herra né frú nafnlaus ...
Nei, frúin notar ekki plástra og ekki hatta en kannski slæður.
Hún borðar ekki fisk nema hann sé með sporð. Hún gleymdi að skrifa nafn en skildi eftir orð.
Er frúin "hið ljósa man", bæði í nafni og útliti?
Snæfríður heiti ég ekki.
Nemo hic adest illius nominis.
Úr því að þú lætur svona, þá segi ég bara: Re vera, cara mea, mea nil refert!
Er huldukonan enn á huldu? Ekki var það ég, þó að ég sé nú ljóst man í nafni og útliti.
ps. ég er ánægð með að blogghugmyndin hafi ekki fallið í grýttan jarðveg...
Já, hún er enn á huldu. Það er samt gott að fá það staðfest að þetta er ekki þú. Ég verð líklega að halda áfram að leita.
Post a Comment